Obxectivos
A situación de aprendizaxe desenvolvida ten como obxectivo principal que o alumnado aprenda a recoñecer os elementos básicos da xeometría e medida do currículo de 1º de ESO a través da arte máis próxima, concretamente en edificios de valor histórico e outras construcións singulares.
Tamén busca a sensibilización sobre o coidado do noso patrimonio, a posta en valor dos recursos públicos como son os paneis informativos e demais sinalética, e a visualización e verbalización da beleza das matemáticas de forma conxunta coa dos recursos mobiliarios, inmobiliarios e naturais.
Na fase 1 descríbese a situación e o reto a acadar, neste caso deseñar un panel descritivo dun monumento importante da zona.
A Fase 2 explora os coñecementos previos necesarios para acadar o reto, neste caso conceptos básicos de xeometría contextualizados en situacións e monumentos locais, feiras medievais, pazos e castelos galegos.
A Fase 3 conecta o reto coas experiencias persoais dos/as estudantes.
A fase 4 do REA céntrase na realización do reto.